Filmi i ri i Mark Wahlberg, “Play Dirty”, do të publikohet në Prime Video më 1 tetor dhe sjell një rikthim të bujshëm të një historie klasike të krimit. Regjinë dhe skenarin e sjell Shane Black, i njohur për filmat Iron Man 3, The Nice Guys dhe The Predator.

Bazuar në romanin The Hunter të Donald E. Westlake, “Play Dirty” ndjek Parker (Wahlberg), një hajdut i cili përballet me sfida të mëdha gjatë një grabitjeje të rrezikshme – nga një diktator i Amerikës së Jugut e deri te mafia e Nju Jorkut dhe një miliarder i pamëshirshëm.

Kasti përfshin emra të njohur si LaKeith Stanfield, Rosa Salazar, Tony Shalhoub, Keegan-Michael Key dhe Chukwudi Iwuji. Filmi përpiqet të gjejë një qasje më moderne dhe më elegante ndaj historisë klasike, duke balancuar krimin me nota humori – një stil tipik i regjisorit Shane Black.

Duke gjykuar nga pamja e parë e publikuar, filmi premton stil, tension dhe shumë karizëm. Me një kombinim të fuqishëm mes Wahlberg dhe Stanfield, “Play Dirty” synon të jetë adaptimi më i suksesshëm i kësaj historie deri më tani.