“Marriage Story” përdoret për të trembur ujqit në SHBA-Si?

Film | 05.08.2025 Ora 8:33

Një nga dramat më të vlerësuara të vitit 2019, “Marriage Story” me Adam Driver dhe Scarlett Johansson, po përdoret për një qëllim të pazakontë në SHBA. Sipas një raporti të Wall Street Journal, Departamenti Amerikan i Bujqësisë ka filluar të përdorë dronë me altoparlantë për të trembur ujqërit gri që po sulmojnë bagëtinë, duke qenë se janë specie të mbrojtura dhe nuk lejohen masat vdekjeprurëse.

Zgjidhja e tyre? Audio-klipet shpërndajnë zhurma të forta si këngë të AC/DC, të shtëna armësh dhe... zënkën emocionale nga “Marriage Story”. Zyrtarët kanë deklaruar se qëllimi është që ujqërit të kenë një reagim të menjëhershëm ndaj zërit të njeriut dhe ta lidhin me diçka të frikshme. Për çudi, metoda po jep rezultate, të paktën për momentin.

Ky përdorim jo i zakontë tregon fuqinë emocionale të filmit dhe performancës së jashtëzakonshme të aktorëve, e cila tani shërben edhe si mjet për mbrojtjen e natyrës.