Alexander Isak e ka përmbysur tregun anglez të transferimeve. Sulmuesi suedez i Newcastle United, e ka bërë të qartë se dëshiron të bëhet ylli i ardhshëm i Liverpoolit.

Tensionet midis Isak dhe Neëcastle kanë vazhduar të rriten. Lojtari madje ka lëshuar një deklaratë zyrtare në rrjetet sociale duke shprehur dëshirën e tij për t’u larguar nga klubi.

Gjesti i Isak i ka habitur tifozët e Newcastle. Suedezi, i cili kishte shkëlqyer për klubin për tre sezone, me më shumë se 20 gola në Ligën Premier në dy sezonet e fundit, i sheh Reds si një mundësi për të bërë një hap përfundimtar përpara. Në Anfield, ata e kanë shumë të qartë këtë. Liverpooli ka punuar për javë të tëra për të nënshkruar me Isak, megjithëse Newcastle ka hezituar ta humbasë yllin e tyre sulmues.

Menaxhmenti i Liverpoolit e kupton që situata është e ndërlikuar. Megjithatë, sfida e Isak kundër Newcastle mund të zhbllokojë një marrëveshje historike në Ligën Premier.

Vetë Isak u ka kërkuar zyrtarëve të Newcastle të pranojnë një largim të negociuar. Për suedezin, një transferim te Liverpool do të ishte opsioni më i dobishëm si për të ashtu edhe për klubin anglez. Liverpooli është i gatshëm të bëjë një hap gjigant. Sipas The Sun, burime pranë klubit pretendojnë se ata do të nisin një ofertë prej rreth 150 milionë eurosh për të bindur Newcastle dhe për të siguruar shërbimet e Isak.

Nëse ndodh ky transferim atëherë do të thyhet rekordi i transferimeve në kampionatin elitar anglez, rekord i cili mbahet nga Florian Wirtz që kaloi nga Bayer Leverkusen te Liverpooli për 125 milionë euro.