Një onkolog që punon çdo ditë me pacientë me kancer gjiri thekson se përveç trajtimit mjekësor, kujdesi i përditshëm dhe mbështetja emocionale janë po aq të rëndësishme. Ai sugjeron pesë hapa kryesorë:

1. Zgjidhni një mjek të besueshëm
   Është thelbësore të gjeni një onkolog me përvojë specifike për kancerin e gjirit dhe me të cilin ndiheni rehat. Besimi dhe komunikimi i mirë janë çelësi i një trajtimi efektiv.

2. Flisni hapur për efektet anësore
   Medikamentet kundër estrogjenit dhe trajtimet e tjera mund të kenë pasoja të vështira. Pacientet inkurajohen të raportojnë çdo simptomë, që mjekët të përshtatin terapinë ose të sugjerojnë zgjidhje për t’i lehtësuar.

3. Pranoni ndihmë
   Shumë gra ndihen të detyruara të vazhdojnë rutinën e përditshme pa ndryshime. Megjithatë, mjekët sugjerojnë se është e rëndësishme të pranoni mbështetje nga familja e miqtë, duke e parë këtë si një periudhë për t’u kujdesur për veten.

4. Mos harroni shëndetin mendor
   Diagnoza e kancerit mund të shkaktojë ankth dhe frikë nga rikthimi. Mbështetja psikologjike, grupet e ndihmës, meditimi ose aktivitetet relaksuese mund të ndihmojnë dukshëm.

5. Qëndroni aktive
   Studimet tregojnë se aktiviteti fizik, sidomos gjatë kimioterapisë, ndihmon në uljen e lodhjes dhe përmirësimin e humorit. Edhe një shëtitje 30 minutëshe, pesë ditë në javë, mund të bëjë diferencën.