“GTA 6” shtyhet sërish - lansimi tani planifikohet për në nëntor 2026

Të Tjera | 07.11.2025 Ora 8:33

Rockstar Games ka njoftuar se publikimi i lojës shumë të pritur “Grand Theft Auto 6” është shtyrë për 19 nëntor 2026, duke e vonuar për herë të dytë.

Fillimisht, loja ishte planifikuar të publikohej në maj 2026, pasi më parë ishte shtyrë nga vjeshta e 2025-ës.

Kompania tha se i nevojiten disa muaj shtesë për ta përfunduar lojën me nivelin e përsosmërisë që fansat e “presin dhe meritojnë”.
“GTA 5”, e publikuar në vitin 2013, vazhdon të jetë një nga lojërat më të shitura dhe më të luajtura në botë falë versionit të saj online.

“GTA 6” do të vendoset në shtetin imagjinar Leonida, i frymëzuar nga Florida, dhe në një version të ri të Vice City.
Rockstar është njohur për përsosmëri dhe vonesa të tilla në të kaluarën, duke përfshirë edhe rastin e “Red Dead Redemption 2”.