Ndër fitueset kryesore të parashikuara është Jessie Buckley, e cila pritet të triumfojë në kategorinë e aktores kryesore për rolin e saj në Hamnet. Performanca e saj si Agnes, gruaja e Shakespeare, ka prekur publikun dhe kritikët, duke e bërë Buckley një nga pretendentet kryesore për Oscar.

Ariana Grande mund të marrë një nominim për aktoren më të mirë mbështetëse për Wicked: For Good, duke krijuar një rekord të mundshëm për interpretimin e të njëjtit personazh dy vjet rresht.

Regjisori Ryan Coogler, i njohur për Black Panther dhe Creed, hyn fuqishëm në garë me filmin Sinners, një përshtatje origjinale e mitologjisë së vampirëve, që nuk mbështetet në ndonjë franşizë të mëparshme.

Timothée Chalamet dhe Leonardo DiCaprio janë po ashtu pretendentë të fortë për rolet kryesore dhe mbështetëse me filmat Marty Supreme dhe One Battle After Another, përkatësisht.

Guillermo del Toro rikthehet me Frankenstein, ndërsa Jafar Panahi ka shansin të fitojë me filmin iranian It Was Just an Accident, tashmë fitues i Palme d’Or në Kanë.

Në kategoritë mbështetëse, kandidaturat e mundshme përfshijnë Amy Madigan (Weapons) dhe Stellan Skarsgård (Sentimental Value), ndërsa animacioni mund të surprizojë me KPop Demon Hunters nga Netflix.

Disa filma, si The Smashing Machine dhe After the Hunt, megjithëse fillimisht të pritur lart, nuk kanë arritur të qëndrojnë në krye për shkak të performancës së dobët në box office.

Nominimet për Oscar 2026 do të shpallen më 22 janar, ndërsa ceremonia e 98-të e Academy Awards do të mbahet më 15 mars.