Nga përmirësimi i funksioneve të trurit deri te reduktimi i dhimbjes, këndimi në grup sjell një sërë përfitimesh shëndetësore që shpesh mbeten të nënvlerësuara. Në periudhën festive, kur zërat e këngëtarëve mbushin qendrat tregtare, stacionet e trenave, shtëpitë e të moshuarve dhe rrugët e qyteteve, ata nuk po përhapin vetëm gëzim – po i bëjnë edhe një të mirë trupit dhe mendjes së tyre.

Studimet tregojnë se të kënduarit ndikon pozitivisht nga truri deri te zemra, veçanërisht kur bëhet së bashku me të tjerët. Ai forcon lidhjet sociale, përgatit trupin për të luftuar sëmundjet dhe madje ndihmon në uljen e ndjeshmërisë ndaj dhimbjes. Këndimi përmirëson përqendrimin dhe kujtesën, redukton stresin dhe rrit ndjesinë e mirëqenies përmes çlirimit të hormoneve të lumturisë si endorfinat dhe oxitocina.

“Këndimi është një akt njëkohësisht kognitiv, fizik, emocional dhe social”, shpjegon Alex Street, studiuese pranë Institutit të Kërkimeve për Terapinë me Muzikë në Universitetin e Kembrixhit, e cila hulumton mënyrën se si muzika mund të ndihmojë fëmijët dhe të rriturit në rikuperimin nga dëmtimet në tru. Sipas saj, kombinimi i frymëmarrjes së thellë, përqendrimit mendor dhe bashkëveprimit me grupin e shndërron këndimin në një “ushtrim” të plotë për trupin dhe mendjen.

Pra, herën tjetër kur të dëgjoni këngëtarë rrugësh apo të ndiheni të tunduar të bashkoheni në refren, mos hezitoni — ngritja e zërit për pak gëzim mund të jetë një nga veprimet më të shëndetshme që bëni për veten.