Universi sci-fi Westworld po rikthehet sërish, këtë herë në format filmi.

Sipas raportimeve, studioja Warner Bros. Discovery po zhvillon një reboot të ri të bazuar në filmin origjinal të vitit 1973 të Michael Crichton, që më pas solli një nga universet më të njohura sci-fi në televizion dhe kinema.

Skenaristi David Koepp është i angazhuar në projekt, i njohur për punën e tij në filmat e “Jurassic Park”, duke shtuar pritshmëritë për një qasje të re në këtë histori.

Detajet e filmit të ri ende nuk janë bërë publike dhe nuk dihet nëse ai do të lidhet me serialin e famshëm të Westworld, i cili u transmetua në HBO dhe u mbyll në vitin 2022 pas katër sezonesh.

Seriali, me aktorë si Evan Rachel Wood, James Marsden dhe Anthony Hopkins, ishte një nga hitet më të mëdha sci-fi të dekadës.

Rikthimi i “Westworld” në formë filmi shihet si një lëvizje e papritur, por që ka ngjallur interes të madh te fansat e zhanrit.