Kryetari i Prishtinës, Përparim Rama, ka reaguar lidhur me vonesat në ndërtimin e sheshit “Xhorxh Bush”, duke thënë se bllokadat dhe pengesat e panevojshme po ndikojnë negativisht te qytetarët e kryeqytetit.

Përmes një deklarate në Facebook, Rama tha se vonesat kanë ndikuar drejtpërdrejt në realizimin e projektit, duke theksuar se sheshet janë në shërbim të qytetarëve.

“Bllokadat dhe pengesat e panevojshme veç sa i kanë penalizu qytetarët e Prishtinës, duke e vonu ndërtimin e sheshit ‘Xhorxh Bush’”, është shprehur ai.

Rama shtoi se puna për projektet transformuese në kryeqytet do të vazhdojë.