Numri i fëmijëve të referuar në shërbimet e shëndetit mendor në Angli ka shënuar rritje prej 10% brenda një viti, duke kaluar mbi 1 milion raste, sipas një raporti të ri.

Të dhënat për periudhën 2024–2025 tregojnë se shifrat janë pothuajse dyfish më të larta krahasuar me vitet 2018–2019.

Ankthi mbetet arsyeja më e zakonshme e referimeve, ndërsa është rritur ndjeshëm edhe numri i rasteve të dyshuara për autizëm dhe çrregullime të tjera neurozhvillimore si ADHD.

Raporti paralajmëron gjithashtu për pabarazi dhe pritje të gjata në trajtim, me mbi 60 mijë fëmijë që presin ndihmë për më shumë se dy vite.