Australia po përgatit ligje të reja që synojnë forcimin e ndalimit të përdorimit të rrjeteve sociale nga fëmijët nën 16 vjeç, si dhe rritjen e kompetencave të rregullatorit të internetit për të ndjekur kompanitë teknologjike në rast mosrespektimi të ligjit.

Qeveria australiane thotë se masat vijnë pasi, pavarësisht kufizimeve të vendosura më herët, ende shumë të mitur po arrijnë të përdorin platformat sociale.

Sipas ndryshimeve të reja, gjobat për kompanitë që nuk respektojnë ligjin do të dyfishohen deri në 99 milionë dollarë australianë, ndërsa rregullatori do të ketë më shumë fuqi për hetime dhe ndjekje ligjore ndaj gjigantëve teknologjikë.