Fituesi i lotarisë dhuron paratë për bamirësi

Të Tjera | 16.02.2023 Ora 8:23

Një fitues fatlum i lotarisë ka vendosur që shumën e fituar në lotari ta dhurojë të plotën për bamirësi, shkroi “Unilad” të mërkurën.

Burri nga Karolina e Jugut në Shtetet e Bashkuara të Amerikës i ka fituar 150 mijë dollarë në lotarinë Poëerball, të shortit së 16 janarit, por kur e mori vesh se është fitues, mori një vendim të rrallë.

Burri, identiteti i të cilit s’u bë publik, nuk dha arsye pse vendosi kështu, pos i tha ekipit të lotarisë amerikane që paratë t’i dorëzojnë në konton e një xhirollogarie për bamirësi.

Ky veprim nuk ndodh shpesh dhe sipas mediumit, njerëzit që fitojnë lotarinë, nganjëherë i shpenzojnë paratë shumë shpejt, pa menduar për t’i investuar diku.