Radio Plus 102.2 FM

call + 383 44 776 000

La casa de +

p

Radio +

102.2FM

Profili

 E Hëne  - E Premte

 12:00 - 13:45

+383 44 776 000

Livestream

Dëgjo Radio Plus Live

Shqipëria, Gjermania dhe Zvicra me numrin më të madh të vizitorëve gjatë muajit prill në Kosovë

Vendi  |  31.05.2023 Ora 8:57   
Numri më i madh i vizitorëve të huaj përqendrohet në Prishtinë, Prizren, Pejë e kështu me radhë. Kurse, sa u përket vizitorëve të huaj, numri më i madh i tyre ishte nga Shqipëria, Gjermania dhe Zvicra.

Kështu thuhet në raportin “Statistikat e Hotelerisë në Kosovë, prill 2023” publikuar nga Agjencia e Statistikave të Kosovës (ASK) duke shtuar se gjatë muajit prill 2023 numri i vizitorëve vendorë dhe të huaj ishte rreth 40 mijë.

“Sipas rezultateve të anketës, numri i vizitorëve (vendorë dhe të huaj) ishte 39,039, prej tyre 45.68 për qind ishin vendorë dhe 54.32 për qind ishin të huaj”, thekson raporti.


Numri i vizitorëve dhe net qëndrimet e tyre, sipas shteteve prej nga vijnë | Burimi: ASK

Sipas ASK-së, numri i net-qëndrimeve ishte 91 mijë e 46, prej tyre 50.04 për qind ishin nga të huajt.

Numrin më të madh të vizitorëve e kishte rajoni i Prishtinës me 14 mijë 124 vizitorë, ndërsa numrin më të madh të net-qëndrimeve e kishte rajoni i Pejës me 39 mijë e 520 net-qëndrime.

“Numri më i madh i vizitorëve të huaj përqendrohet në Prishtinë, Prizren, Pejë e kështu me radhë. Kurse, sa u përket vizitorëve të huaj, numri më i madh i tyre ishte nga Shqipëria, Gjermania dhe Zvicra”, përfundon ASK-ja.

Në prill 2023, pjesë e anketës ishin 162 hotele, që ushtrojnë veprimtari hoteliere në territorin e Kosovës.

Komentet

Marketing

 

Tjera në Vendi

Marketing