Radio Plus 102.2 FM

call + 383 44 776 000

La casa de +

p

Radio +

102.2FM

Profili

 E Hëne  - E Premte

 12:00 - 13:45

+383 44 776 000

Livestream

Dëgjo Radio Plus Live

Klan Kosova dorëzon ankesën në ARBK

Vendi  |  05.07.2023 Ora 8:29   

Televizioni Klan Kosova, ka dorëzuar ankesë në Agjencinë për Regjistrimin e Bizneseve të Kosovës.

Me të synohet të anulohet vendimi i datës 22 qershor për suspendimin e licencës së biznesit të televizionit më të madh në vend.

Kjo për shkak se vendimi që bazohet në vërtetim të gabuar dhe jo të plotë të gjendjes faktike, përbën shkelje esenciale të dispozitave të ligjit për Shoqëritë Tregtare, dhe të atij për Procedurën e Përgjithshme Administrative.

Andaj, si dëshmi në ankesë, Klan Kosova ka ofruar historinë faktike si edhe bazën juridike të biznesit.

Në fakt, ky vendimi i 22 qershorit ishte vetëm rifuqizim i atij të datës 14 qershor, pasi i njëjti ishte anuluar nga ish-ushtruesja e detyrës së drejtoreshës së ARBK-së, Pranvera Prestreshi.

Kjo e fundit u shkarkua, dhe në vend të saj erdhi Lebibe Halti, e cila e rifuqizoi vendimin.

Klan Kosova, që në ndërkohë ka kryer të gjitha korrigjimet në dokumentacionin e regjistrimit të biznesit, ka dorëzuar ankesën për heqjen e suspendimit të licencës.

Afati për shqyrtimin e licencës është 15 ditor.

Suspendimi i licencës së Klan Kosovës kishte nxitur një reagim të madh vendor e ndërkombëtar, ndërsa ishte kërkuar kujdes nga institucionet në trajtimin e rastit.

Komentet

Marketing

 

Tjera në Vendi

Marketing