Kontrollet thelbësore të veturave që duhet t’i dini

Auto | 10.07.2023 Ora 10:48

Përpara se të vendosni rripin e sigurimit dhe të dilni në rrugë, është thelbësore t'i bëni veturës suaj një kontroll të plotë për t’i evituar problemet që mund të shkaktohen në rrugë, të cilat mund ta rrezikojnë edhe jetën, raportoi të shtunën “The Sun”.

Specialistët e vlerësimit të veturave “Goodbye Car” kanë dalë me tre pika bazë të mirëmbajtjes.

Të siguroheni që të kontrolloni llambat në fenerët, dritat e pasme, dritat e frenave dhe sinjalizimet e kthesës, sepse nëse këto nuk janë në gjendje të duhur ngasja është e paligjshme dhe mund t’ju sjellë gjoba.

Është thelbësore të kontrollohet rregullisht presioni i gomave dhe të sigurohet që ato të jenë fryrë në nivelin e rekomanduar.

Mbajtja e frenave të gjendje jo të rregullt rrezikon sigurinë tuaj në rrugë. Sigurohuni që niveli i lëngut në rezervuarin e lëngut të frenave të bjerë midis shenjave minimale dhe maksimale.