Gjatë misionit Apollo 17 në vitin 1972, astronautët amerikanë Harrison Schmitt dhe Eugene Cernan mblodhën rreth 110.4kg mostra materiesh e gurësh që u kthyen në Tokë për studime të mëtejme.

Një gjysmë shekulli më vonë, kristalet e zirkonit brenda një fragmenti shkëmbor u kanë dhënë shkencëtarëve informacione më shumë në të kuptuarit e formacionit të Hënës dhe moshën e saktë të saj, shkroi Reuters.

Hëna është rreth 40 milionë vjet më e vjetër se që është menduar më parë – formuar më shumë se 4.46 miliardë vjet më parë, sipas shkencëtarëve.

Sipas teorisë kryesore për formimin e saj, mendohet se Hëna u krijua nga përplasja e një objekti në madhësinë e Marsit me Tokën.