Hailee Steinfeld dhe Josh Allen janë martuar zyrtarisht gjatë fundjavës në një ceremoni luksoze në Kaliforni.

Aktorja dhe këngëtarja 28-vjeçare dhe ylli i futbollit amerikan 29-vjeçar janë në një lidhje që nga maji 2023 dhe u fejuan në nëntor të vitit të kaluar. Fotot nga dasma të publikuara nga PEOPLE tregojnë Steinfeld me një fustan nusërie elegant pa rripa, doreza deri në bërryla dhe një vello të gjatë.

Allen ishte veshur me kostum të errët dhe një lule të bardhë në xhaketë. Çifti u fotografua duke u puthur në momentin kur u shpallën burrë e grua. Detajet e plota të dasmës ende nuk janë bërë publike, por fansat kanë shpërndarë urime në rrjete sociale.

 Steinfeld ka treguar më herët se propozimi nga Allen ishte një surprizë e vërtetë, duke e përshkruar momentin si “magjik”.