Me vendim të nënshkruar nga kryetari Përparim Rama, transporti urban në Prishtinë bëhet pa pagesë nga data 1 tetor për kategori të caktuara qytetarësh. Ky hap synon të lehtësojë lëvizjen dhe të ulë numrin e automjeteve në rrugë, duke përmirësuar ajrin dhe cilësinë e jetës.

Kush përfiton nga ky vendim?

• Stafi shëndetësor (adminstrativ, teknik e mbështetës) në institucionet shëndetësore të kryeqytetit

• Stafi arsimor (përfshi institucionet parashkollore)

• Nxënësit e shkollave të mesme

• Studentët e Prishtinës

• Të gjithë punonjësit e administratës së komunës, në të gjitha institucionet prindërore dhe vartëse

Kryetari Rama thekson se ky vendim është pjesë e transformimit të transportit urban në kryeqytet dhe shfaq prioritetin ndaj qytetarëve për një Prishtinë më të gjelbër dhe me më pak presion nga automjetet.

Çfarë duhet të dini:

1. Transporti pa pagesë fillon më 1 tetor.

2. Ky përfshin linjat urbane brenda territorit të Prishtinës.

3. Detajet për bileta mujore, kompensime ose zbatimin konkret të vendimit do të njoftohen nga organet përkatëse.