Radio Plus 102.2 FM
call + 383 44 776 000
Livestream
Dëgjo Radio Plus Live
Vendi |
05.11.2025
Ora 9:13
Njësitë operative të Doganës së Kosovës ndaluan një automjet të dyshimtë gjatë një aksioni në magjistralen Prishtinë – Ferizaj, ku u gjetën rreth 100 paketime me produkte Botox dhe Filler pa dokumentacion dhe pa origjinë, me vlerë totale 9,479.49 euro.
Hetimet e para tregojnë se produktet janë futur në vend përmes rrugëve ilegale dhe nuk janë ruajtur sipas standardeve të kërkuara, duke krijuar një rrezik për shëndetin e qytetarëve.
Dogana e Kosovës njofton se procedurat hetimore vazhdojnë në bashkëpunim me institucionet përkatëse dhe apelon te qytetarët që të shmangin blerjen e produkteve të pasigurta dhe të raportojnë çdo aktivitet të dyshimtë të lidhur me kontrabandën.
