Princi William dhe Kate Middleton duket se kanë një “kod sekret” të ëmbël që përdorin për të komunikuar në mënyrë të heshtur gjatë ngjarjeve publike. Një moment i tillë u kap gjatë vizitës shtetërore gjermane më 3 dhjetor në Kështjellën Windsor, ku çifti po shikonte koleksionin e artit të ekspozuar.

Gjatë një bisede të shkurtër të Kate me një kurator, William vuri dorën mbi shpinën e saj si një sinjal diskret për të kaluar tek grupi tjetër i ekspozitave, ndërsa një tjetër anëtar i familjes mbretërore po afronte pranë. Kate e kuptoi menjëherë mesazhin, dhe të dy përfunduan bisedën me një ‘faleminderit’ të përzemërt.

Ky detaj tregon si familja mbretërore përdor kode të heshtura etikete për të menaxhuar kohën dhe situatat në publik, duke shmangur biseda të gjata, selfiet apo ndërhyrje të tjera gjatë ngjarjeve zyrtare. Momente të tilla i japin çiftit mundësinë të ruajë diskrecionin dhe koordinimin edhe në situata të zhurmshme dhe formale.