Ford ka vendosur të tërhiqet nga prodhimi i veturave të vogla dhe të përballueshme, duke mbyllur një kapitull historik për kompaninë. Në vend të tyre, gjiganti amerikan po fokusohet te “produktet emocionale” si Mustang dhe Bronco, modele që lidhen me nostalgjinë, aventurën dhe performancën.

Drejtori ekzekutiv Jim Farley pranoi se vazhdimi i prodhimit të modeleve si Fiesta dhe Focus nuk kishte më kuptim financiar, ndërsa kompania ka hequr gradualisht edhe modele të tjera si Fusion, Taurus, Edge dhe së fundmi Escape SUV.

Ky riorientim ka sjellë një ulje të numrit të njësive të shitura – nga mbi 6.3 milionë në vitet 2013-2017, në rreth 4.2 milionë vitet e fundit – por ka përmirësuar të ardhurat, pasi modelet e mbetura kanë më shumë peshë në treg dhe fitim.