Sipas njoftimit zyrtar, vendimi është marrë për shkak të reshjeve të vazhdueshme, vërshimeve dhe qarkullimit të vështirësuar në shumicën e komunave të vendit, ndërsa Instituti Hidrometeorologjik i Kosovës ka paralajmëruar se kushtet e njëjta pritet të vazhdojnë edhe në ditët në vijim.

MAShTI ka bërë të ditur se pushimi dimëror do të vazhdojë edhe për dy ditë shtesë, përkatësisht më 8 dhe 9 janar, ndërsa mësimi do të rifillojë të hënën, më 12 janar 2026.

Po ashtu, është theksuar se orët e humbura mësimore do të zëvendësohen gjatë pjesës së dytë të vitit shkollor 2025/2026 për të gjitha nivelet e arsimit parauniversitar.

Ministria ka falënderuar prindërit, nxënësit dhe mësimdhënësit për bashkëpunim dhe mirëkuptim, duke ritheksuar se siguria mbetet prioritet kryesor.