Në botë ekzistojnë vetëm dy shtete që zyrtarisht nuk kanë kryeqytet: Nauru dhe Zvicra.

Nauru, një ishull i vogël në Oqeanin Paqësor me rreth 12 mijë banorë, nuk ka qytete në kuptimin klasik. Distrikti Yaren mban institucionet kryesore, por nuk ka status zyrtar kryeqyteti. Dikur një nga vendet më të pasura për frymë falë rezervave të fosfatit, sot Nauru përballet me probleme të mëdha ekonomike dhe ekologjike, duke u mbështetur kryesisht te ndihma e Australisë.

Ndërkohë, Zvicra – një nga vendet më të pasura në Evropë – nuk ka shpallur kurrë kryeqytet për shkak të traditës së fortë të federalizmit dhe barazisë mes kantoneve. Bern është selia e qeverisë dhe parlamentit, por zyrtarisht mban vetëm titullin “qytet federal”. Gjykata Federale ndodhet në Lausanne, ndërsa Gjykata Penale në Bellinzona, duke reflektuar shpërndarjen e pushtetit në disa qendra.

Këto dy shembuj tregojnë se nocioni i kryeqytetit nuk është universal, por varet nga rrethanat historike, politike dhe gjeografike të secilit vend.