Stilisti legjendar italian Valentino Garavani, i cili ndërtoi një perandori luksi me shtëpinë e modës Valentino, la pas një pasuri të vlerësuar mes 700 milionë – 1 miliard dollarë. Pjesa më e madhe e saj u krijua nga sukseset e markës Valentino dhe shitja e saj në vitin 2012 te fondi Mayhoola for Investments, marrëveshje e vlerësuar në rreth 700–800 milionë euro.

Garavani zotëronte gjithashtu prona luksoze në Itali, Francë dhe SHBA, si dhe koleksione arti me vlerë të lartë. Ai nuk kishte fëmijë dhe nuk la trashëgimtarë të drejtpërdrejtë, ndaj sipas ligjit italian pasuria mund t’u kalojë familjarëve të afërt ose personave të përfshirë në testament, nëse ekziston një i tillë.

Nuk përjashtohet mundësia që një pjesë e pasurisë të destinohet për fondacione bamirëse ose projekte kulturore. Ekspertët theksojnë se pasuria personale e Garavanit është e ndarë nga vlera e markës Valentino, e cila sot operon nën pronësi private, pa kontroll të drejtpërdrejtë nga trashëgimtarët.