Shitjet e Dodge ranë me 28% vitin e kaluar, duke e lënë markën me vetëm tre modele aktive. Ndërkohë, Chrysler, pjesë e grupit Stellantis, ka arritur ta tejkalojë Dodgen me 24,446 njësi të shitura, pavarësisht se ofron vetëm monovolumet e vjetëruara Pacifica dhe Voyager.

Perspektivat nuk duken të mira për të dyja markat, pasi Stellantis ka paralajmëruar investime prej 13 miliardë dollarësh në SHBA, por kryesisht për markat fitimprurëse Jeep dhe Ram.
Dodge ka njoftuar se gjenerata e re e Durango SUV do të prodhohet në Detroit, por vetëm në vitin 2029, kur modeli aktual do të jetë pothuajse 20 vjeç. Megjithatë, Durango ka shënuar shitjet më të mira që nga viti 2005, me 81,168 njësi të shitura në 2025 (+37%).
Në portofolin e Dodget mbeten edhe Charger dhe Hornet (i bazuar në Alfa Romeo Tonale).