Toyota ka njoftuar se në vitin 2026 do të lansojë dy modele të reja elektrike për tregun amerikan: C-HR kompakt dhe bZ Woodland.

Toyota C-HR do të kushtojë nga 38,450 dollarë për versionin SE dhe 40,450 dollarë për XSE.

Toyota bZ Woodland fillon nga 46,750 dollarë, ndërsa versioni Premium arrin në 48,850 dollarë.
Të dy modelet janë më të shtrenjtë se homologët e tyre të zhvilluar bashkë me Subaru. Për shembull, Subaru Uncharted, i ngjashëm me C-HR, fillon nga 36,445 dollarë, ndërsa Subaru Trailseeker kushton 41,445 dollarë, një diferencë prej mbi 5,000 dollarësh krahasuar me bZ Woodland.

Toyota ka konfirmuar se të gjitha modelet e reja do të vijnë me portin e karikimit NACS në stilin Tesla dhe autonomi rreth 480 kilometra. Ndërkohë, modeli ekzistues bZ mbetet opsioni më i lirë elektrik i markës, duke filluar nga 36,350 dollarë.

Këto dy opsione të reja pritet të ndihmojnë në zgjerimin e pranisë së Toyota-s në tregun e automjeteve elektrike në SHBA, i cili po përballet me sfida dhe vonesa, por edhe me një valë të re prej rreth 30 modelesh elektrike që do të lansohen këtë vit.