Kryeqyteti i Kosovës, Prishtina, po vazhdon të përballet me cilësi jo të mirë të ajrit.

Sipas të dhënave të fundit nga platforma “IQ Air”, Kosova mbrëmë është renditur në vendin e 44-të në botë për nga cilësia e ajrit, ndërsa niveli i grimcave të dëmshme PM në Prishtinë ka arritur vlerën 83 njësi.

Kjo vlerë klasifikohet si mesatarisht e dëmshme për shëndetin e njeriut, me ndikim më të theksuar te fëmijët, të moshuarit dhe personat me sëmundje të frymëmarrjes.

Institucionet dhe ekspertët rekomandojnë kufizimin e aktiviteteve të panevojshme në ambiente të hapura dhe marrjen e masave mbrojtëse, veçanërisht në periudhat me ndotje të shtuar të ajrit.