Sipas të dhënave, në vitin 2023 janë regjistruar rreth 1,400 lindje më pak krahasuar me vitin paraprak, ndërsa për të njëjtën periudhë kohore kanë lindur 1,342 foshnje më pak.

Sociologët theksojnë se përveç faktorëve socio-ekonomikë, ndikim të madh në uljen e natalitetit ka edhe mungesa e politikave mbështetëse për gratë në tregun e punës. Sociologia Flaka Ymeri vlerëson se pushimi aktual i lehonisë nuk i përgjigjet nevojave reale të grave të punësuara, ndërsa gratë në fazat e hershme të shtatzënisë shpesh përballen me pengesa në punësim.

Për të nxitur rritjen e natalitetit, ekspertët po kërkojnë modifikimin e pushimit të lehonisë, duke përfshirë edhe baballarët në këtë proces.

Në anën tjetër, sociologu Besim Gallopeni paralajmëron se Kosova ndodhet në një fazë shumë kritike demografike, e cila kërkon ndërhyrje të menjëhershme institucionale.