New York City ka shpallur ndalim të përkohshëm të qarkullimit për shkak të një stuhie të fuqishme bore që pritet të godasë qytetin me rreth tetë milionë banorë.

Kryetari i qytetit, Zokhran Mamdani, njoftoi se masa do të hyjë në fuqi nga ora 21:00 e së dielës deri në mesditë të së hënës. Sipas vendimit, rrugët, autostradat dhe urat do të mbyllen për qarkullim, me përjashtim të rasteve emergjente dhe udhëtimeve thelbësore.

Autoritetet paralajmërojnë reshje bore nga 45 deri në 60 centimetra, ndërsa në disa zona ato mund të tejkalojnë 70 centimetra. Parashikohen gjithashtu erëra të forta që mund të rëndojnë situatën.

Edhe qytete të tjera në lindje të SHBA-së, përfshirë Boston, janë duke u përgatitur për mot të rëndë dimëror. Në fund të janarit, një stuhi e ngjashme në rajon la pas më shumë se 100 viktima.