Niveli i detit përgjatë bregdetit të Kalifornisë pritet të rritet me rreth 30 centimetra deri në mesin e tetorit, si pasojë e ndikimit të fenomenit klimatik El Niño.

Rritja lidhet me një valë oqeanike të njohur si “Kelvin wave”, e cila po lëviz drejt veriut nga brigjet e Meksikës dhe Amerikës Qendrore. Kjo valë mund të rrisë përkohësisht nivelin e detit me 15 deri në 30 centimetra.

Ekspertët paralajmërojnë se rritja e nivelit të detit mund të shtojë rrezikun për përmbytje bregdetare, veçanërisht gjatë baticave të larta dhe stuhive dimërore.

Sipas shkencëtarëve, niveli i përgjithshëm i ujit përgjatë bregdetit të Kalifornisë mund të jetë 25 deri në 36 centimetra mbi normalen. El Niño po ndikon në këtë rritje krahas ngritjes afatgjatë të nivelit të detit të shkaktuar nga ndryshimet klimatike.