Një stuhi e madhe dimërore ka përfshirë bregun lindor të Shteteve të Bashkuara, duke shkaktuar reshje rekord bore, ndërprerje të energjisë elektrike dhe anulime masive të fluturimeve.

Sipas Shërbimit Kombëtar të Motit, pjesë të Rhode Island dhe Massachusetts kanë regjistruar deri në 94 centimetra borë, ndërsa në New York City janë matur rreth 48 centimetra në Central Park.

Mbi 600 mijë konsumatorë kanë mbetur pa energji elektrike, kryesisht në New Jersey dhe Massachusetts. Autoritetet kanë vendosur ndalime për udhëtime jo-esenciale për shkak të kushteve të rrezikshme në rrugë dhe dukshmërisë së reduktuar.

Sipas platformës FlightAware, mbi 5,700 fluturime janë anuluar brenda dhe jashtë SHBA-së, ndërsa anulime të tjera priten edhe në ditët në vijim, me Bostonin dhe Nju Jorkun ndër zonat më të prekura.