Tensionet mes Iranit dhe Shteteve të Bashkuara të Amerikës, një prej vendeve mikpritëse, janë rritur ndjeshëm pas sulmeve të fundit. Presidenti amerikan Donald Trump deklaroi se nuk e konsideron prioritet pjesëmarrjen e Iranit, ndërsa presidenti i federatës iraniane të futbollit ka shprehur dyshime për përfshirjen e ekipit në turne.

FIFA ka bërë të ditur se po monitoron zhvillimet, duke theksuar se objektivi mbetet organizimi i një Botërori të sigurt me të gjitha ekipet e kualifikuara.

Irani është shortuar në Grupin G dhe sipas kalendarit duhet të përballet me Zelandën e Re, Egjiptin dhe Belgjikën. Megjithatë, zhvillimet politike dhe ushtarake në rajon mund të ndikojnë drejtpërdrejt në vendimin përfundimtar mbi pjesëmarrjen e tij në turneun më të madh të futbollit në botë.