Në reagimin e tij, presidenti i Ukrainës, Volodymyr Zelensky, ka theksuar se Ukraina është e gatshme për hapa të ngjashëm, duke shtuar se qytetarët kanë nevojë për një festë pa kërcënime dhe për hapa konkretë drejt paqes.

Ky zhvillim vjen pas thirrjeve të vazhdueshme nga pala ukrainase për një armëpushim të përkohshëm. Megjithatë, mbetet e paqartë nëse marrëveshja do të respektohet, duke pasur parasysh rastet e mëparshme kur armëpushimet e shpallura nuk janë zbatuar plotësisht.

Ndërkohë, situata në terren vazhdon të mbetet e tensionuar, me sulme të vazhdueshme dhe viktima civile në të dyja palët.