Në ambientet e Pallatit të Drejtësisë në Prishtinë, sot mbahet ceremonia zyrtare e hapjes së Gjykatës Administrative, një institucion i ri në kuadër të sistemit të drejtësisë në Kosovë.

Sipas njoftimit zyrtar, ceremonia do të nisë në orën 09:00 dhe në të pritet të marrë pjesë edhe ushtruesja e detyrës së Presidentes së Republikës së Kosovës, Albulena Haxhiu.

Hapja e kësaj gjykate konsiderohet një hap i rëndësishëm drejt forcimit të sundimit të ligjit dhe avancimit të sistemit të drejtësisë në vend, veçanërisht në trajtimin e çështjeve administrative.