Çmimet e naftës janë rritur në tregjet aziatike të së hënës, pasi presidenti amerikan Donald Trump e cilësoi si “krejtësisht të papranueshme” përgjigjen e Iranit ndaj propozimeve të ShBA-së për përfundimin e luftës.

Sipas raportimeve, Teherani ka kërkuar ndalimin e menjëhershëm të konfliktit dhe garanci për të mos pasur sulme të tjera nga ShBA-ja dhe Izraeli.

Nafta Brent u rrit me 4.1%, duke arritur në 105.50 dollarë për fuçi, ndërsa nafta e papërpunuar në ShBA u rrit me 4.4%, në 99.80 dollarë për fuçi.

Ndërkohë, mbyllja efektive e Ngushticës së Hormuzit po vazhdon të ndikojë rëndë në furnizimet globale me naftë dhe gaz.