Sot në Prishtinë do të mbahet një protestë para objektit të Ministrisë së Mjedisit dhe Planifikimit Hapësinor, në kundërshtim të vendimit për pezullimin e mallrave dhe shërbimeve ndërtimore në Rugovë.

Protesta do të zhvillohet nën moton “Rugova nuk hesht – Rugova kërkon drejtësi!”.

Sipas organizatorëve, qytetarët do të nisen me transport të organizuar nga lokali “Peja City”, duke filluar nga ora 09:30, për të udhëtuar drejt Prishtinës.

Organizatori i protestës, Idriz Kurtbogaj, ka bërë thirrje që tubimi të zhvillohet në mënyrë të qetë dhe dinjitoze, me fokus mbrojtjen e të drejtave të banorëve të Rugovës.