Një rekord i ri është shënuar në malin më të lartë në botë, pasi 274 alpinistë arritën majën e Mount Everest brenda një dite nga ana jugore e malit, sipas autoriteteve nepaleze.

Ky është numri më i lartë i regjistruar ndonjëherë në një ditë të vetme, duke kaluar rekordin e mëparshëm prej 223 alpinistësh të vendosur në vitin 2019.

Sipas zyrtarëve, kushtet e mira atmosferike dhe numri i madh i personave që prisnin për ngjitje ndikuan në këtë rekord. Megjithatë, mbingarkesa në Everest mbetet shqetësim i vazhdueshëm, pasi radhët e gjata në lartësi ekstreme mund të rrisin rrezikun për alpinistët.

Nepali ka lëshuar afro 500 leje ngjitjeje për sezonin e sivjetmë pranveror në Everest.