Kompania SpaceX pritet të testojë një version të ri dhe më të fuqishëm të raketës gjigante Starship, pas një pauze shtatëmujore.

Versioni i tretë i Starship konsiderohet më i avancuar, me motorë më të fuqishëm dhe teknologji të përmirësuar, ndërsa synimi kryesor është përgatitja e mjetit për misionet e ardhshme të NASA-s, përfshirë dërgimin e astronautëve në Hënë.

Megjithatë, projekti po përballet edhe me sfida, pasi testimet e mëparshme kanë përfunduar me shpërthime dhe incidente teknike. Pavarësisht kësaj, SpaceX vazhdon strategjinë e zhvillimit të shpejtë, duke testuar prototipe dhe duke përmirësuar sistemin pas çdo prove.

Starship shihet si një element kyç në garën hapësinore me Kinën, e cila synon të dërgojë astronautë në Hënë deri në vitin 2030.