Manchester City ka njoftuar zyrtarisht largimin e trajnerit Pep Guardiola në fund të sezonit, duke mbyllur një epokë të artë për klubin anglez. Në një video emocionale të publikuar në rrjetet sociale, tekniku spanjoll tha se kishte ardhur momenti për t’u larguar, ndërsa falënderoi tifozët dhe klubin për mbështetjen gjatë dekadës së tij në “Etihad Stadium”.

Guardiola mori drejtimin e Cityt në vitin 2016 dhe gjatë kësaj periudhe fitoi gjashtë tituj të Ligës Premier dhe UEFA Champions League, duke arritur kulmin me tripletën historike në sezonin 2022/23. Mediat britanike raportojnë se favorit për ta zëvendësuar është Enzo Maresca, ndërsa Guardiola do të mbetet pjesë e klubit si ambasador global.