Mbretëria e Bashkuar ka nisur një konsultim mbarëkombëtar me qëllim ndalimin e marketingut të vapes (cigareve elektronike) që synon fëmijët. Masat e reja parashikojnë paketime të thjeshta (pa ngjyra dhe dizajne tërheqëse), largimin e produkteve nga syri i blerësve nëpër dyqane, si dhe ndalimin e shijeve që lidhen me ëmbëlsirat, desertet dhe alkoolin.

Sekretari i Shëndetësisë, James Murray, deklaroi se po ndërhyhet për të mbrojtur të rinjtë nga varësia, duke ruajtur në të njëjtën kohë qasjen për të rriturit që i përdorin ato për të lënë duhanin. Sipas të dhënave, rreth 1 milion të rinj të moshës 11-17 vjeç në Britani kanë provuar vaping në vitin 2025.

Këto masa vijnë krahas Ligjit për Duhanin dhe Vapes, i cili ndalon përgjithmonë blerjen e cigareve për këdo që ka lindur pas 1 janarit 2009, me synimin për të krijuar "gjeneratën e parë pa tym". Ligji gjithashtu parashikon ndalimin e vaping-ut në makina ku ka fëmijë, në kënde lojërash, si dhe pranë shkollave e spitaleve.