Qarkullimi në pikat kufitare të Kosovës po zhvillohet normalisht edhe këtë mëngjes, pa vonesa të gjata.

Sipas të dhënave të fundit, pritjet për hyrje dhe dalje janë nga 3 deri në 5 minuta në shumicën e pikave kufitare.

Një shtim i lehtë i kolonave është vërejtur në Dheu i Bardhë dhe Muçibabë, por situata mbetet e qetë dhe nuk raportohet për pritje të gjata.

Në pikat e tjera kufitare, qarkullimi vazhdon të jetë i rregullt, me pritje minimale. Megjithatë, autoritetet presin shtim të fluksit të automjeteve dhe kolonave gjatë ditëve në vijim, për shkak të sezonit veror.