Në kulmin e sezonit të korrje-shirjeve, fermerët në Kosovë po përballen me vështirësi serioze në grumbullimin e grurit. Shumë mullinj po refuzojnë ta pranojnë prodhimin, duke u arsyetuar me mungesën e hapësirave për deponim.

Përveç kësaj, çmimi i grurit ka rënë në 16 deri në 18 centë për kilogram, nivel që, sipas fermerëve, nuk mbulon as kostot e prodhimit.

Si pasojë, shumë kombajna kanë ndërprerë punën, ndërsa fermerët po detyrohen ta mbajnë grurin në ara ose ta depozitojnë përkohësisht në oborret e tyre.

Fermerët kërkojnë zgjidhje urgjente nga institucionet për sigurimin e hapësirave të grumbullimit dhe mbështetje për prodhimin vendor, në mënyrë që të mos pësojnë humbje të mëdha gjatë këtij sezoni.