Chris Anne Affleck, nëna e aktorëve të njohur Ben dhe Casey Affleck, ka ndërruar jetë në moshën 83-vjeçare pas një beteje me kancerin e pankreasit.

Familja njoftoi se ajo vdiq më 2 qershor, disa muaj pasi ishte diagnostikuar me sëmundjen. Para se të bëhej e njohur si nëna e dy aktorëve të suksesshëm, Chris kishte një karrierë të gjatë si mësuese në shkollat publike dhe ishte aktive në kauza për të drejtat civile.

Ajo luajti një rol të rëndësishëm në fillimet e karrierës së djalit të saj Ben, duke e ndihmuar të merrte mundësi të para në industrinë e filmit.

Chris ishte pranë djemve të saj edhe në momentet më të rëndësishme të karrierës së tyre, përfshirë ceremoninë e Oscars në vitin 1998, kur Ben Affleck dhe Matt Damon fituan çmimin për skenarin më të mirë për filmin “Good Will Hunting”.

Familja bëri të ditur se një nga dëshirat e saj të fundit ishte të shihte nipin e saj duke përfunduar shkollën e mesme, gjë që ajo arriti ta bënte pak ditë para vdekjes.