Kalciumi, vitamina D dhe proteinat janë ndër elementët kryesorë për shëndetin e skeletit. Krahas qumështit, djathit dhe kosit, burime të mira janë edhe soja, farat chia, peshqit me kocka si sardelet, frutat e thata dhe perimet me gjethe jeshile.

Me kalimin e moshës, dendësia e kockave fillon të ulet dhe rritet rreziku për probleme si osteoporoza, një sëmundje që i bën kockat më të brishta dhe më të prirura ndaj frakturave.

Ekspertët theksojnë se përveç ushqimit të balancuar, aktiviteti fizik, veçanërisht ushtrimet që forcojnë muskujt dhe kockat, janë pjesë e rëndësishme e parandalimit.