Bradley Cooper dhe Gigi Hadid kanë rikthyer thashethemet për një martesë të mundshme në fshehtësi, pasi u fotografuan gjatë një shëtitjeje romantike në Paris duke mbajtur unaza që ngjallën dyshime te fansat. Në fotografitë e publikuara nga DeuxMoi, modelja shihet me një unazë argjendi, ndërsa aktori mban një unazë të artë që shumë e kanë krahasuar me një unazë martese.

Megjithatë, deri më tani nuk ka asnjë konfirmim zyrtar se çifti është martuar. Sipas burimeve pranë tyre, marrëdhënia po ecën shumë mirë dhe ata kanë krijuar një ekuilibër mes jetës private dhe angazhimeve profesionale. Gjithashtu, vajzat e tyre, Khai dhe Lea, kalojnë kohë së bashku dhe kanë një raport të afërt, ndërsa Bradley dhe Gigi thuhet se po e ndërtojnë të ardhmen e tyre pa u nxituar për hapa të mëdhenj.