Cristiano Ronaldo kishte aprovuar tetë pika që përzgjedhësi i Portugalisë, Jorge Jesus, duhej t’i lexonte në një konferencë për media, pas përplasjes mes tyre. Në deklaratë, Jesus pranoi se kishte bërë gabim duke e futur Ronaldon në nxehje dhe më pas duke mos e aktivizuar ndaj Norvegjisë, ndërsa theksoi se e konsideron sulmuesin si një figurë të rëndësishme për kombëtaren. Sipas pikave të publikuara, Jesus tha se Ronaldo e kishte pranuar planin e tij për këtë sezon, kishte qenë profesional dhe nuk i kishte vënë në dyshim vendimet e trajnerit. Ai gjithashtu theksoi se Ronaldo nuk ka nevojë t’i dëshmojë askujt dashurinë për Portugalinë dhe se momenti i frustrimit pas ndeshjes nuk e ndryshon kontributin e tij për kombëtaren.