Aktori Ben Affleck ka konfirmuar se nuk përdori protezë gjatë skenës së dushit në filmin thriller psikologjik “Gone Girl”, të vitit 2014. Gjatë një interviste për revistën Variety, aktori 54-vjeçar sqaroi se protezë kishte përdorur vetëm në filmin “Hollywoodland”, ku kishte mbajtur një hundë artificiale. Në “Gone Girl”, me regji të David Fincher dhe bazuar në romanin e Gillian Flynn, Affleck luan Nick Dunne, i cili bëhet i dyshuari kryesor pas zhdukjes së bashkëshortes së tij, Amy, të interpretuar nga Rosamund Pike. Filmi u prit shumë mirë nga kritikët dhe arkëtoi rreth 370 milionë dollarë në mbarë botën, me një buxhet prej 61 milionë dollarësh.