Në Qendrën Klinike Universitare të Kosovës (QKUK), sot do të përurohet Njësia Koronare në kuadër të Klinikës së Kardiologjisë.

Në ceremoni pritet të marrin pjesë kryeministri Albin Kurti, ministri i Shëndetësisë, Arben Vitia, dhe ambasadori i Luksemburgut në Kosovë, Eric Dietz.

Sipas Ministrisë së Shëndetësisë, ceremonia do të mbahet më 27 tetor, duke filluar nga ora 11:30.

Përurimi i kësaj njësie bëhet në kuadër të zhvillimit të shërbimeve shëndetësore në Klinikën e Kardiologjisë.