Këngëtarja e njohur Katy Perry pritet të ngjitet përtej atmosferës së Tokës të hënën, si pjesë e një misioni historik vetëm me gra nga kompania Blue Origin e Jeff Bezos.

 Ajo do të shoqërohet nga gazetarja Gayle King, pilotja Lauren Sánchez, ish-shkencëtarja e NASA-s Aisha Bowe, studiuesja Amanda Nguyen, dhe producentja e filmit Kerianne Flynn.

Të gjashta do të hipin në raketën New Shepard, e cila do të niset nga Van Horn, Texas, në orën 9:30 të mëngjesit (sipas kohës lindore të SHBA).

 Fluturimi do të jetë suborbital dhe do t’i çojë udhëtaret përtej vijës Kármán, kufiri i pranuar ndërkombëtarisht i hapësirës.
 Ato do të përjetojnë disa minuta pa gravitet, përpara se kapsula të kthehet në Tokë me parashutë.

Ky është misioni i parë vetëm me gra që nga viti 1963, kur kozmonautja sovjetike Valentina Tereshkova u bë gruaja e parë në hapësirë.