Një “parashikim” me AI shkakton divorc në Greqi

Të Tjera | 05.06.2025 Ora 8:27

Një ngjarje e pazakontë ka marrë vëmendje globale nga Greqia, ku një grua përdori inteligjencën artificiale për të “lexuar” mbetjet e kafes së bashkëshortit të saj. Ajo fotografoi shenjat e kafes së tij dhe i kërkoi ChatGPT-së një interpretim në stilin e tasseografisë, një metodë tradicionale e parashikimit të së ardhmes. Për habinë e saj, AI-ja paralajmëroi se burri po tradhtonte me një grua të re, emri i së cilës fillon me shkronjën “E.”

Ngjarja e tronditi dhe, brenda disa ditësh, ajo paditi për divorc, duke përfunduar një martesë 12-vjeçare. Bashkëshorti mohon çdo akuzë, por dokumentet e divorcit janë nënshkruar. Ky incident ka shkaktuar diskutime të shumta rreth ndikimit të teknologjisë dhe besueshmërisë së inteligjencës artificiale në jetën personale dhe marrëdhëniet njerëzore.